- 79 -

1420. Januar 28.

Sigismundus dei gratia Romanorum Rex semper Augustus ac Hungarie Boemie Dalmacie Croacie etc. Rex. Notum facimus tenore presentium universis. Et si Regie Celsitudinis circumspecta benignitas consuete liberalitatis munificenciam universorum saluti tenetur intendere, voluntarios quoque affectare labores ut subditi optata pace quiescant, Ad illorum tamen commoda ardenti zelo vigilanter intendit, qui relictis mundi blandicijs sub habitu et observantia regulari nituntur altissimo in simplicitate mentis et corporis iugiter famulari. Sane pro parte Religiosarum . . Priorisse et Conventus Sanctimonialium Monasterij Sanctispiritus, beate Marie virginis ac beati Johannis Apostoli et Ewangeliste Ordinis beati Dominici in Ratibor Wrat. dioc. devotarum nostrarum oblata nostre Celsitudini supplex petitio continebat, Quatenus eisdem et predicto Monasterio universa et singula Privilegia, Litteras, Jura, Libertates, gratias, concessiones, donationes et emunitates ipsis a primeva fundacione eiusdem Monasterij per felicis memorie Ingenuos principes olim Duces Slesie, Et nominatim per clare recordationis Illustrem Nicolaum ducem Oppauiensem et Rathiboriensem, necnon predecessorum suorum ducum predictorum, ac alios quoscumque principes et Cristifideles indultas seu indulta approbare ratificare innovare et confirmare de benignitate Regia dignaremur. Nos igitur supradictarum . . Priorisse et Conventus Monasterij predicti devotionis constanciam, vite puritatem et religionis honorem attenta mentis revolutione pensantes, supplicationibus ipsarum admissis Ipsis et earum Monasterio predicto universa et singula Privilegia et litteras predictorum principum et signanter predicti Nicolai ducis Oppauie et Rathiboriensis, ipsiusque heredum et predecessorum ac aliorum quorumcumque principum et Cristifidelium, que et quas super villis, areis, allodijs, ortis, pratis, pascuis, silvis, rubetis, virgultis, molendinis, aquis, piscaturis aquarumve decursibus, curijs, grangijs, censibus et ceteris quibuscumque obventionibus aut utilitatibus et bonis suis racionabiliter obtinuisse noscuntur, Nec non Jura tam alta quam bassa, libertates, gratias, concessiones, donationes et emunitates ipsis et earum Monasterio predicto a supradictis duce Nicolao et alijs quibuscumque principibus et Cristifidelibus obtentas et indultas seu obtenta et indulta, In omnibus suis tenoribus, punctis, clausulis, articulis, sententijs, expressionibus, prout Scripte seu scripta sunt, ac si tenores omnium et singulorum presentibus de verbo ad verbum forent inserti, de innata nobis dementia approbamus, ratificamus, innovamus et tenore presentium de benignitate solita gratiosius confirmamus Inhibentes universis et singulis principibus ecclesiasticis et secularibus, Comitibus, Baronibus, Capitaneis, Nobilibus, Militibus, Clientibus, Officialibus, Magistriscivium, Scabinis, Consulibus Civitatum, Opidorum, Villarum et locorum communitatibus et Rectoribus eorundem Ceterisque nostris et Corone Boemie Subditis et fidelibus, Ne prefatas .. Priorissam et Conventum ac Monasterium predictum aut earum homines et presertim bona in Bawrwicz cum omnibus suis Juribus tam altis quam bassis, adversus nostre approbationis, ratificationis, innovationis et confirmationis indultum impediant aliquatenus aut molestent, aut suos impedire seu molestare permittant, Quin potius manuteneant, protegant realiter et defendant, Sub pena nostre indignationis gravissime et viginti Marcarum Argenti puri, quas ab eo qui contra fecerit exigi volumus, et earum medietatem Regali nostro Erario sive fisco, Residuam vero partem Iniuriam passorum usibus applicari. Presentium sub nostre Maiestatis Sigillo testimonio litterarum. Datum Wratislauie Anno domini Millesimo Quadringentesimo vigesimo, xxviij die Januarij, Regnorum nostrorum Anno Hungarie etc. Trigesimotercio, Romanorum vero Decimo.

An gelben und schwarzen Seidenfäden hängt das Majestätsiegel, welches in Seide eingenäht, aber zerbrochen ist.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.